Print this page

2012 Agosto 5: Ikanapulog-Walo nga Domingo Sulod sa Tuig

22 July 2012 By Elmer Cantular, CMF In Giya 454 comments
Rate this item
(0 votes)

Unang Pagbasa: Exodo 16:2-4, 12-15

Salmo: 78:3-4.23-24b. 25.54

Ikaduhang Pagbasa: Efeso 4:17,20-24

 

Pasiunang Awit: Blest be the Lord

Pasiunang Pag-ampo:

            Amahan karong adlawa nagatigom kami aron sa pagpa-ambit sa imong Pulong nga si Jesus ang pan sa kinabuhi nga nagahatag kanamo sa kaluwasan. Amahan dal-a kaming tanan sa kinabuhing dayon. Kining tanan among gipangayo nga puno sa pagpa-ubos sa imong anak nga si JesuCristo among Ginoo. Amen

Tema: Ang pagdawat sa kinabuhing dayon naggikan sa pagtuo kang JesuCristo ang pan sa kinabuhi.

Pagbasa sa Ebanghelyo Sumala ni San Juan

Kapitulo 6 versikulo 24 hangtod sa 35 (Juan 6:24-35)  

(Kinahanglan basahon ang Santos nga Ebanghelyo sa makusog nga tingog nga igo madunggan sa tanang nanambong sa Barangay Sang Birhen - BSB)

Ang Ebanghelyo sa Ginoo;

Daygon Ikaw, O Kristo

(Manghilom ug mamalandong sa Santos nga Ebanghelyo sulod sa 2-3 ka minuto).

Pagpatin-aw ug Pagpalawom:

            Ang gipasabot sa atong ebanghelyo mao ang mga tawo nangita kang Jesus, ug sa dihang nakita na nila siya didto tabok sa lanaw, ilang gipangutana dayon si Jesus “Maestro kanus-a ka mahi-abot dinhi?” Tungod sa pagtuo nga si Jesus mao ang pan nga naghatag ug kinabuhi, busa atong daygon ug pasalamatan kay ang Espiritu sa Dios kanunay nag-uban kanato, ang grasya ug panalangin diha sa atong pagpangaliya ngadto kaniya maoy nagdasig kanato sa paglahutay sa mga pagsulay sa kinabuhi mao nga mangaliya kita diha inubanan sa atong mga obligasyon isig Kristohanong katilingban inubanan usab sa atong mahal nga Birhen Maria nga Inahan sa Kanunay’ng Panabang.

Mga Giyang Pangutana sa Pagpa-ambit:

  1. 1)Sa atong kinabuhi nakapaambit ba kita ug kaluwasan sa atong isigka-ingon?
  2. 2)Andam ba natong isakripisyo ang atong kaugalingon alang sa kaluwasan sa uban?

KATILINGBANONG PAG-AMPO:

PAG-AMPO SA AMAHAN NAMO, MAGHIMAYA KA MARIA, HIMAYA SA AMAHAN

PAGHINATAGAY UG KALINAW:

PLANO:

PAGHALAD:

KATAPUSANG PAG-AMPO:

            Amahan namong langitnon daghan kaayong salamat kay gihatagan kami nimo ug igong kusog sa pagpa-ambit sa among isig-katawo. Daghang salamat Amahan sa paghatag kanamo sa pan sa kinabuhi aron maangkon namo ang kaluwasan sa kinabuhing dayon. Kini among gipangayo pinaagi sa imong anak nga si Jesus ang pan sa kinabuhi nga among Ginoo. Amen.

KATAPUSANG AWIT: Palihog Dawata Ginoo

 

Meriam Lamasan                     Manilyn Barredo

Teodolfo Calamba , Sr            Merry Grace Batugan

Jovelyn Kiro-Kiro                   Criselle Mae Abong

Nenita A. Espinosa                 Aiza D. Requilme

Read 8968 times Last modified on Wednesday, 10 October 2012 21:33

454 comments