SCHOOL OF THE WORD ONLINE

Read. Learn. Live the Gospel

Basic Ecclesial Community Bible Sharing Guide

giya sa matag domingoMakuha ninyo diri ang mga materyales alang sa BIBLE SHARING matag Domingo gikan sa mga Gagmay'ng Katilingbanong Kristiyano nga gihimo sa mga lideres sa mga comunidad sa Tumahubong, Tungawan, Zamboanga City, og Ormoc City sulod sa sakop sa mga Claretian

              

23 March 2013 143 comments

Unang Pagbasa: Mga Buhat 14:21-27

Salmo 145:8-13

Ikaduhang Pagbasa: Pinadayag 21: 1-5a

Pasiunang Awit: Mao Kini ang Paghinigugmaay

Pasiunang Pag-ampo:

Amahan namong langitnon ania kami karon nagatigom aron sa paghalad sa among kinabuhi diha kanimo. Mapasalamaton usab kami sa mga grasya nga imong gibobo diri kanamo. Kining tanan among gipangayo pinaagi ni Kristo among Ginoo. Amen.

Tema: Paghigugmaay kamo sa Usa’g-usa sama sa akong Paghigugma kaninyo

Pagbasa sa Ebanghelyo Sumala ni San Juan

Kapitulo 13 versikulo 31 hangtod sa 35 (Juan 13:31-33a, 34-35)  

 (Kinahanglan basahon ang Santos nga Ebanghelyo sa makusog nga tingog nga igo madunggan sa tanang nanambong sa Barangay Sang Virgen – BSV)

Ang Ebanghelyo sa Ginoo;

Daygon Ikaw, O Kristo

(Manghilom ug mamalandong sa Santos nga Ebanghelyo sulod sa 2-3 ka minuto)

Pagpatin-aw:

                Si Jesus miingon sa iyang mga Apostoles: “Hatagan tamog bag-ong sugo: paghigugmaay kamo ingon nga nahigugma ako kaninyo, paghigugmaausab mo sa usa’g-usa.” Nasayod ta unsa ka importante ang gugma, ug unsa ang kusog sa gugma. Apan dili lamang kang Jesus kita mahigugma kung dili sa usa’g-usa usab.

Pagpalawom:

Gitawag kitang tanan sa paghinigugmaay sa usa’g-usa sama sa paghigugma ni Jesus kanato. Ang timailhan sa iyang pagtulun-an dili lamang simpleng gugma kundili gugmang puno sa pagsabot ug pagpasaylo. Mao kini ang gugmang labaw sa tanan.

Mga Giyang Pangutana sa Pagpa-ambit:

  1. Sa pang adlaw-adlaw natong pagahimuon, paunsa nato mapakita ang atong gugma sa Dios?
  2. Isip usa ka Kristiano, nabuhat ba nato ang sugo sa atong Dios? Unsa ang atong buhaton aron mapakita ang gugma nato sa matag-usa?

KATILINGBANONG PAG-AMPO:

PAG-AMPO SA AMAHAN NAMO, MAGHIMAYA KA MARIA, HIMAYA SA AMAHAN

PAGHINATAGAY UG KALINAW:

PLANO:

PAGHALAD:

Katapusang Pag-ampo:

            Amahan namong langitnon ug Mama Mary daghang salamat sa mga pulong nga among nabati karong gabhiona. Hinaot unta nga kining among nabati, Ginoo mag-abli sa among kasing-kasing. Kining tanang among gipangayo pinaagi ni Kristo among Ginoo. Amen.

Katapusang Awit: Gugma

 

 

23 March 2013 76 comments

Unang Pagbasa: Mga Buhat 13:14, 43-52

Salmo 100:1-3, 5

Ikaduhang Pagbasa: Pinadayag 7:9, 14b-17

Pasiunang Awit: Kay Kita Usa ra

Pasiunang Pag-ampo:

Amahan namong langitnon hatagi kami sa maayong panghuna-huna ug giyahi kami sa katarong. Lig-ona ang among pagtuo ug himoa kaming maayong sumusunod ni Kristo. Kini among gipangayo pinaagi ni Kristo among Ginoo. Amen.

Tema: Ang atong Maayong Magbalantay Nakaila kanato

Pagbasa sa Ebanghelyo Sumala ni San Juan

Kapitulo 10 versikulo 27 hangtod sa 30   (Juan 10:27-30)  

(Kinahanglan basahon ang Santos nga Ebanghelyo sa makusog nga tingog nga igo madunggan sa tanang nanambong sa Barangay Sang Virgen – BSV)

Ang Ebanghelyo sa Ginoo;

Daygon Ikaw, O Kristo

(Manghilom ug mamalandong sa Santos nga Ebanghelyo sulod sa 2-3 ka minuto)

Pagpatin-aw:

Dinhi sa atong Ebanghelyo karon adunay duha ka punto: 1) Ang dakong pagsalig, 2) ug ang dakong pag-angkon. Ang dakong pagsalig mao ang pagsalig sa Dios Amahan. Sama sa mga karnero nga nagsalig sa magbalantay, kita usab nagsalig sa maayong magbalantay nga mao si Kristo. Si Jesus mao ang maayong magbalantay nga nahimo usab nga karnero sa iyang paghalad sa iyang kaugalingon sa Krus. Ang dakong pag-angkon mao nga si Kristo ang Anak sa Diyos ug ang iyang Amahan usa ra. Ang gusto ni Jesus nga maghiusa unta ang simbahan bisan kon mawala na siya dinhi sa kalibutan pinaagi sa paghiusa diha sa gugma.

Pagpalawom:

Ang gapos o higot sa panaghiusa mao ang gugma. Ang pruweba sa gugma mao ang pagtuman sa mga sugo sa Diyos. Ang pagsulti ni Jesus nga siya ug ang Amahan usa ra dili pilosopikal o metapisikal. Kini naghisgot bahin sa personal nga relasyon ni Jesus sa iyang Amahan. Nagkahiusa si Jesus ug ang iyang Amahan sa huna-huna, kasingkasing, ug sa espiritu.

Mga Giyang Pangutana sa Pagpa-ambit:

  1. Isip mga sumusunod ni Kristo, giunsa ba nato pagtuman ang iyang mga sugo?
  2. Gipakita ba kita sa atong gugma sa atong isigkatawo? Sa unsang paagi?

KATILINGBANONG PAG-AMPO:

PAG-AMPO SA AMAHAN NAMO, MAGHIMAYA KA MARIA, HIMAYA SA AMAHAN

PAGHINATAGAY UG KALINAW:

PLANO:

PAGHALAD:

Katapusang pag-ampo

                Amahan namong langitnon nagapasalamat kami sa imong mga pulong nga among nadungog ug napaambit karon. Hinaut unta nga kini maoy mogiya kanamo aron kaming tanan maghiusa diha sa pag-alagad knaimo ug sa imong katawhan. Kini among gipangayo pinaagi ni Kristo among Ginoo. Amen.

Katapusang Awit: Ang Panginoon ang aking Pastol

 

 

 

 

Page 1 of 9